د تاریخ تلپاتې څېرې؛ ژوند او شهادت

شهید الحاج ملا سلطان محمد آخند او شهید مولوي صابر (پلار او زوی) – تقبلهما الله –
څلورمه برخه

د جهاد په ډګر کې شهادت «دوام»
د دې زړور مجاهد شهادت خلک غمجن کړل او د بالابلوک ولسوالۍ د اوسېدونکو لپاره یې ورځې او شپې له سختیو او کړاوونو ډکې کړې. خو د شهیدانو وینه هېڅکله نه ضایع کېږي. دې شهادت د نورو مجاهدینو هوډ لا پیاوړی کړ. هغوی د لوی خدای پر ذات په توکل او د دې کورنۍ د جهادي روحیې په الهام خپلې مبارزې ته دوام ورکړ.
بالاخره، د بالابلوک ولسوالۍ د مرکز په فتحې سره، خلکو د بریا او ارادې احساس وکړ او د اشغالګرو ځواکونو له ظلم څخه خلاص شول.
دا هماغه الهي وعده ده چې الله تعالی فرمایي:
«وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ» (سورة النور، ۵۵ آیت)
ژباړه: الله تعالی له هغو کسانو سره چې له تاسو څخه یې ایمان راوړی او نېک عملونه یې ترسره کړي، وعده کړې ده چې حتماً به هغوی په ځمکه کې خپل ځایناستي وګرځوي.