لیکوال: محبوبی
لومړی فصل: مفاهیم او کلیات
کلتوري امپریالېزم
ج. د کلتوري امپریالېزم ډولونه
١. رسنیز امپریالېزم: د لوېدیځو خبري شبکو، فلمونو او موسیقۍ واکمني، چې ځانګړي چلندونه او ارزښتي معیارونه دودوي. د بېلګې په توګه، په افغانستان کې د بيبيسي (BBC) او سياېناېن (CNN) په څېر شبکو د عامه افکارو په جوړولو کې مهم رول درلود، په داسې حال کې چې ډېری وخت سیمهییز روایتونه له پامه غورځول کېدل.
٢.ژبنی امپریالېزم: د انګلیسي ژبې د یوې «غوره» ژبې په توګه دودول او د سیمهییزو ژبو کمرنګول. د افغانستان د جمهوریت په دوره کې، د امریکا په ملاتړ ګڼ ښوونیز پروګرامونه په انګلیسي ژبه پلي کېدل، په داسې حال کې چې پښتو او دري په څېر سیمهییزې ژبې څنډې ته کېښودل کېدې.
٣.ښوونیز امپریالېزم: د ښوونیز نظام د درسي محتوا بدلون او د ځانګړو ایډیالوژیو دودول. له ۲۰۰۱ کال وروسته، د امریکا په مرسته د افغانستان درسي کتابونه له سره ولیکل شول او په هغو کې د «بشري حقونو» په څېر مفاهیم د لوېدیځ د لیدلوري له مخې ځای پر ځای شول، په داسې حال کې چې د دغو مفاهیمو اسلامي تفسیرونه له پامه غورځول کېدل.
پټ حقایق (په افغانستان کې د امریکا جنایتونه)
