ټولنیز مسئولیت:
ټولنیز مسؤلیت د بې پروایۍ په خلاف دی؛ هرکله چې په ټولنه کې کومه ستونزه یا ربړه رامنځ ته شي، هر مسئول اوسېدونکی پوهېږي چې د هغې ستونزې د حل او لېري کولو لپاره اغیزمنه مرسته، هڅه او هاند وکړي. په ټولنیز مسئولیت کې د فرهنګي، ټولنیزو، چاپیریالي او خیریه فعالیتونو پراخه لړۍ شامله ده او د ټولنې غړي په هره کچه او پوړ کې د هغو ستونزو او پېښو مسئولیت لري چې په ټولنه کې پیښېږي او دا مسئولیت به په هېڅ وجه له دوی څخه ساقطه نه شي.
د مسئولیت لپاره دا کافي نه ده چې یوازې په ټولنیزو فعالیتونو کې برخه واخلي؛ خو دا مسئولیت باید د یو شخص د ژوند او د هغه د ارزښتونو او اعتقادي سیسټم یوه برخه وي، ترڅو وویل شي چې دا سړی ټولنیز مسئولیت لري.
که څه هم ټولنیز مسئولیتونه په بشپړه توګه داوطلبانه دي او یوازې فرد باید د دوی په اړه پریکړه وکړي؛ خو دا هم باید په پام کې ونیول شي چې هر ډول ژمنه اړینه او د تر سره کولو څخه یې انکار کول غفلت ګڼل کېږي.