یوازې یوه ورځ د اسدتر ۲۴ پورې پاتې ده؛ هغه ورځ چې د افغانستان لپاره د یوه ستر تاریخي بدلون او د هېواد په برخلیک کې د یوې نوې مرحلې د پیلېدو یادونه کوي.
افغانستان په تېرو کلونو کې له یوه ستونزمن مسیر څخه تېر شوی؛ له سیاسي بدلونونو او تېرو وابستګیو نیولې، تر امنیتي ننګونو، اقتصادي فشارونو او فرهنګي بدلونونو پورې. خو نن دا فرصت شته چې له تېرو تجربو څخه د راتلونکي د جوړولو لپاره ګټه واخیستل شي.
د افغانستان راتلونکی یوازې په سیاسي خپلواکۍ نه جوړېږي؛ تلپاتې امنیت، پیاوړی اقتصاد، د ملي هویت او فرهنګ ساتنه، له نړۍ سره متوازنې اړیکې او د خلکو ونډه هم د یوه ځواکمن هېواد بنسټیزې ستنې دي.
افغانستان له جغرافیایي موقعیت، طبیعي سرچینو، کرنیزو ظرفیتونو او ځوان بشري ځواک څخه برخمن دی. که دغه ظرفیتونه په سمه توګه مدیریت شي، هېواد کولای شي د تولید، سوداګرۍ، ترانزیټ او دوامدارې پراختیا پر لور حرکت وکړي.
۲۴ اسد یوازې تېر وخت ته د کتنې فرصت نه دی؛ بلکې دا فرصت هم دی چې وپوښتو: افغانستان نن څنګه کولای شي لا خپلواک، لا اباد او لا پیاوړی شي؟ او د هېواد د راتلونکي د جوړولو په برخه کې د ننني نسل پر اوږو کوم مسوولیت پروت دی؟
سبا ۲۴ اسد دی؛ د تېر وخت د یادولو او د افغانستان راتلونکي ته د هیلهمندې کتنې ورځ.