لیکوال: نهضت
درېیم فصل: د لوېدیځ د ژوند د سبک پایلې
ټولنیزې پایلې «دوام»
۲. د جنسیتي هویت بحران (همجنسپالنه او د جنسیت بدلون): په لوېدیځ کې کلتوري او فلسفي بدلونونو د جنسیتي هویت په اړه دودیز درک له ننګونو سره مخ کړی دی. دا بحران د هغو نظریاتو په ترویج سره، چې جنسیت د فردي انتخاب په توګه مطرح کوي، په ټولنیزه او فردي کچه جدي ستونزې رامنځته کړې دي.
۳. اقتصادي او طبقاتي نابرابري: له اقتصادي پرمختګونو سره سره، لوېدیځې ټولنې له شدیدې اقتصادي او ټولنیزې نابرابرۍ سره مخ دي؛ هغه نابرابري چې ریښې یې د دغو ټولنو په اقتصادي او فلسفي جوړښتونو کې پرتې دي.
۴. د چاپېریال د ویجاړۍ بحران: سره له دې چې لوېدیځ هېوادونه د چاپېریال ساتنې ادعا کوي، خو د دې سیارې له سرچینو څخه تر ټولو ډېره ګټه اخیستنه او د چاپېریال د ویجاړۍ لویه برخه له همدې هېوادونو سره تړاو لري.
د دغو پایلو هره یوه د لوېدیځ د ژوند د سبک د جوړښتي نیمګړتیاوو څرګندونه کوي. دا هغه سبک دی چې له مادي پلوه یې د پام وړ پرمختګونه کړي، خو بیا هم نه دی توانېدلی چې د انسان ژورو ټولنیزو اړتیاوو ته مناسب ځواب ووایي.
دې موضوعاتو ته پاملرنه خورا مهمه او اړینه ده. دا د هغو نورو ټولنو لپاره یو خبرداری دی چې غواړي په شعوري یا ناپوهانه توګه د لوېدیځ د ژوند له دې سبک څخه تقلید وکړي.