لیکوال: محبوبی
لومړی فصل: مفاهیم او کلیات
د جنګي جنایتونو
ج. په افغانستان کې د جنګي جنایتونو بېلګې (دوام)
په افغانستان کې په استوګنیزو سیمو کې د خوشهیي وسلو کارول هم د هغو مستندو شویو جنګي جنایتونو له ډلې څخه دي. دغه وسلې، چې پر کارولو یې نسبي بندیزونه لګېدلي، په ډېرو مواردو کې د ملکي وګړو د وژل کېدو لامل شوې دي. ان د دغو وسلو له کارولو کلونه وروسته هم ګڼ ملکي وګړي، په ځانګړې توګه ماشومان، له هغو ناچاودو بمونو سره د تماس له امله وژل شوي یا ټپیان شوي دي.
د بګرام زندان او د بندیانو شکنجه کول هم د جنګي جنایتونو بله بېلګه ده. په دغه زندان کې، چې د امریکایانو تر کنټرول لاندې و، د شکنجې بېلابېلې طریقې کارول کېدې؛ لکه له خوب څخه محرومول، د سختې یخنۍ او ګرمۍ په شرایطو کې ساتل او مذهبي سپکاوی. ډېری بندیان له محاکمې پرته او یوازې د شک او ګومان پر بنسټ کلونه کلونه په دغه زندان کې ساتل کېدل.
په راتلونکو برخو کې به د دغو موضوعاتو په اړه په تفصیل سره بحث وشي.