لیکوال: نهضت
درېیم فصل: د لوېدیځ د ژوندانه د سبک پایلې
ټولنیزې پایلې
أ. د کورنۍ د بنسټ له منځه تلل (طلاق، نامشروع اولادونه) – دوام:
د دې زوال ژور او فلسفي تحلیل ښيي چې دا پدیده په لوېدیځ کې د اومانیستي او لیبرالیستي افکارو د حاکمیت مستقیمه او نهمخنیوی کېدونکې پایله ده. د دغو فکري مکتبونو نظریات، چې ډېری ریښې یې د رنسانس له دورې وروسته د لوېدیځ په فکري جریانونو کې دي، له انساني غوښتنو او خوندونو ورهاخوا هېڅ معیار او ارزښت په رسمیت نه پېژني.
اومانیسم (انسانمحوري) د یوه واکمن فکري جریان په توګه انسان د هستۍ مرکز او مطلق معیار وګرځاوه او په دې توګه یې د خدای، دین او لوړو معنوي ارزښتونو مقام څنډې ته کړ.
دغه نړۍلید چې له رنسانس څخه پیل شو او د وخت په تېرېدو سره د دیني باورونو په ردولو او د مطلقو اخلاقي ارزښتونو په انکار سره خپل اوج ته ورسېد، د «بېقیده آزادۍ» او «خوندپالنې» په څېر مفاهیم یې دود کړل.
د دې فکري بهیر وروستۍ پایله دا وه چې انسان له خپلو معنوي او ټولنیزو ریښو څخه جلا شو او په پای کې د کورنۍ سپېڅلی بنسټ یوازې په یوې قراردادي، صرفاً دنیوي او لنډمهالې اړیکې بدل شو.
دا بدلونونه د اندېښنې وړ احصایو کې هم لیدل کېدای شي.
د پرمختګ وهم (د لوېدیځ ژوندانه پر سبک کره کتنه)
