«د انسان ځای په لوېديځ او اسلامي اندو کې»
لیکوال: نهضت
دریم فصل: انسان د اسلام په فکري نظام کې
۶. د اسلامي انسانپوهې عملي تجلّیات
د اسلامي انسانپوهې (انسانشناسي) نظام یوازې نظري بحثونو ته محدود نه دی، بلکې دا نظام د عملي او تطبیقي الګوګانو په بڼه د انسان د فردي او ټولنیز ژوند په ډګر کې ځان څرګندوي. دا تجلّیات چې ریښه یې د اسلام په عقیدوي بنسټونو کې ده، څلور اساسي برخې رانغاړي:
۱. عبادت – د انسان او خدای تر منځ د اړیکې محور.
۲. اخلاق – د انساني شخصیت بنسټ.
۳. ټولنیز تعاملات – د مسؤلیت منلو څرګندونه.
۴. کار او هڅه – د یوې تولیدي عبادت په توګه.
دا څلور بعدونه په حقیقت کې د اسلامي ژوند عملي چوکاټ جوړوي؛ داسې ژوند چې د انسان د ژوند ټولې چارې پکې الهي رنګ خپلوي.
اسلام په دې جامع لید سره، مؤمنانه ژوند د عبودیت یوې پرلهپسې صحنې ته اړوي، چیرې چې حتی تر ټولو ساده ورځنۍ چارې هم، که د الهي نیت سره ترسره شي، د عبادت ارزښت مومي.