شهید مولوي عبدالحمید نوراني ـ تقبله الله ـ
دویمه برخه
له چاهتګ کلي څخه تر دیني زدهکړو پورې «دوام»
د دې ځوان عالم ژوند د هغه وخت له سیاسي او ټولنیزو بدلونونو سره تړلی و. د ده د زدهکړو د پرمختګ ترڅنګ، د نورمحمد ترهکي انقلاب او وروسته افغانستان ته د شوروي ځواکونو راتګ، ټول هېواد په اور کې سوځولی و.
هغه چې د جهاد او د مظلومانو د دفاع له مفاهیمو سره بلد شوی و، له هماغه پیله د مجاهدینو لیکو ته ورګډ شو او وسله یې پر اوږه واخیسته.
هغه څه چې نوموړی یې له ډېرو نورو څخه بېل کړی و، د علم او جهاد ترمنځ نادره همغږي وه. نوموړی له یوې خوا یو رباني عالم او له شریعت سره بلد شخصیت و، او له بلې خوا یو زړور او تجربهلرونکی مجاهد هم ګڼل کېده. همدې ځانګړتیا نوموړی د فراه ولایت له اغېزناکو قوماندانانو څخه وګرځاوه.
الله تعالی په قرآن کریم کې فرمایي:
«إِنَّمَا يَخْشَى اللَّهَ مِنْ عِبَادِهِ الْعُلَمَاءُ» (فاطر، ۲۸)
ژباړه: «د الله له بندګانو څخه یوازې عالمان له هغه څخه وېره لري.»
شهید نوراني له هغو علماوو څخه و چې د الله تعالی وېره او خشیت د جهاد ډګر ته راوستی و او هېڅکله له دې لارې بېرته راستون نه شو.