لیکوال: نهضت
درېیم فصل: د لوېدیځ د ژوند د سبک پایلې
ټولنیزې پایلې
ب. د جنسیتي هویت کړکېچ (همجنسپالنه او د جنسیت بدلون)
د جنسیتي هویت کړکېچ د لوېدیځ د ژوند د سبک له ټولنیزو پایلو څخه ګڼل کېږي، چې د بېقید او شرطه ازادیو او افراطي افکارو پایله بلل کېږي. دا افکار جنسیتي هویت یوازې یوه ټولنیزه پدیده ګڼي او له بیولوژیکي بنسټونو څخه یې جلا تعریفوي. د دې لیدلوري له مخې، د جنسیت بدلون د فردي حق او شخصي انتخاب په توګه هڅول کېږي؛ خو دا ډول لیدلوری د انساني فطرت او الهي ارزښتونو سره په ټکر کې ګڼل کېږي.
د دې کړکېچ ریښې باید د لوېدیځو ټولنو له اخلاقي او بیولوژیکي اصولو څخه په تدریجي واټن اخیستلو کې ولټول شي. د فطري ارزښتونو پر ځای د مطلقې ازادۍ او د شخصي هویت د ټاکلو د حق په څېر مفاهیمو ته لومړیتوب ورکول، د همجنسپالنې او د جنسیت د بدلون په څېر پدیدو د رامنځته کېدو لامل شوي دي. د دې لیدلوري له مخې، دغه پدیدې له خپل بیولوژیکي جنسیت سره د ځینو افرادو د ژور اختلاف څرګندونه کوي.
په حقیقت کې، د جنسیتي هویت کړکېچ هغه حالت ته ویل کېږي چې په هغه کې د ښځې او نارینه ترمنځ د بیولوژیکي توپیرونو پر بنسټ د جنسیتي هویت دودیز تعریف تر پوښتنې لاندې راځي او پر ځای یې د جنسیت په اړه نوي لیدلوري مطرح کېږي.
د پرمختګ وهم (د لوېدیځ د ژوند پر سبک کره کتنه)
