لیکوال: نهضت
درېیم فصل: د لوېدیځ د ژوند د سبک پایلې
ټولنیزې پایلې
ج. اقتصادي او طبقاتی نابرابري
اقتصادي او طبقاتی نابرابري د معاصرو لوېدیځو ټولنو له ژورو او پېچلو ټولنیزو بحرانونو څخه یوه ګڼل کېږي. دا نابرابري د لیبرال پانګوال نظام د جوړښتي نیمګړتیاوو او د مصرفپالنې د ژوند د سبک د پایلو څرګندونه کوي. دغه څو اړخیزه پدیده یوازې د عوایدو او شتمنیو په توپیر پورې محدوده نه ده، بلکې په منظم او سیستماتیک ډول د ښوونې او روزنې، روغتیا، سیاسي او فرهنګي فرصتونو ته د لاسرسي په برخه کې د نابرابرۍ د بیا تولید لامل کېږي.
له نظري پلوه، دغه نابرابري د لوېدیځو فکري او فلسفي بدلونونو په بهیر کې ریښې لري. د مارکسیستي لیدلوري له مخې، چې کارل مارکس په خپلو اثارو، په ځانګړې توګه د «سرمایې» په کتاب کې تشریح کړی، اقتصادي نابرابري د پانګوال نظام د ټولنیزو او اقتصادي جوړښتونو ذاتي پایله ده. په دغه نظام کې پانګهوال د کارګرانو د استثمار له لارې هغه اضافي ارزښت خپلوي چې د کارګرانو په وسیله رامنځته کېږي (ولف، ۱۳۹۸: ۳–۵). دغه بهیر نه یوازې د طبقو ترمنځ د واټن د رامنځته کېدو لامل کېږي، بلکې په پرلهپسې نسلونو کې د دغه واټن د بیا تولید او لا ژورېدو زمینه هم برابروي.
نړیوالې احصایوي شواهد د دې اقتصادي نابرابرۍ ژورتیا او پراخوالی په څرګند ډول ښيي.
د پرمختګ وهم (د لوېدیځ د ژوند د سبک نقد)
