لیکوال: نهضت
درېیم څپرکی: د لوېدیځ د ژوند د سبک پایلې
ټولنیزې پایلې
د. د چاپېریال د ویجاړۍ بحران
د چاپېریال ویجاړېدل د لوېدیځ د ژوند د سبک له امله رامنځته شویو تر ټولو ژورو او جدي بحرانونو څخه ګڼل کېږي. دا پدیده له طبیعي نظام سره د معاصر انسان د ټکر څرګندونه کوي. دغه بحران چې ریښې یې د مصرفپالنې په دود او په نړۍ کې د اقتصادي ودې په نهدرېدونکي بهیر کې دي، یوازې د هوا او اوبو تر ککړتیا پورې محدود نه دی، بلکې په ایکوسیستمونو کې پراخ بدلونونه، د ژوو او نباتاتو د ډولونو له منځه تلل او د ژوند د دوام لپاره د ځمکې د ظرفیت ګواښل هم پکې شامل دي.
د نړیوال وحشي ژوو صندوق د ۲۰۲۰ کال د راپور له مخې، انساني فعالیتونو، په ځانګړي ډول له حده زیات مصرف، د نفوسو زیاتوالي او پراخې کرنې، له ۱۹۷۰ کال راهیسې د ملا تیر لرونکو وحشي ژوو ۶۸ سلنه له منځه وړي دي (ویکيپېډیا).
دا بهیر په اندېښمنوونکي چټکۍ سره دوام لري او د چاپېریال د هغه بحران ژورتیا څرګندوي چې د لوېدیځ د ژوند له دود او سبک سره تړاو لري.
د دې ویجاړۍ پراخوالی دومره زیات دی چې د چاپېریال پوهان خبرداری ورکوي، د بشري فعالیتونو له امله ځمکه د ژوندیو موجوداتو د شپږمې ډلهییزې ورکېدنې پر لور روانه ده.
د پرمختګ وهم (د لوېدیځ ژوند پر سبک کره کتنه)